მეცნიერებმა შეიმუშავეს ახალი მიდგომა იმუნოთერაპიაში, რომელიც სასარგებლო შეიძლება აღმოჩნდეს არაქისსა და კვერცხის ცილაზე ალერგიის სამკურნალოდ. ანაფილაქსია მწვავე, სწრაფად განვითარებადი ალერგიული რეაქციაა , რომელიც სიცოცხლისთვის ძალიან საშიშია და მისი კუპირების საშუალებებიც შეზღუდულია. ახალმა მეთოდმა, ალერგენისადმი მგრძნობიარე იმუნური უჯრედების გარდაქმნით, თაგვებში ალერგიული რეაქცია საერთოდ აღმოფხვრა.

როგორც კვლევებმა აჩვენა, აღნიშნულმა მიდგომამ ანაფილაქსიის სიმპტომების გამოვლენა შეამცირა და ალერგიულ რეაქციასთან შეჭიდული ცილოვანი მარკერების დონე 90%-მდე შეამცირა. ანუ ამ მეთოდით ანაფილაქსიის თავიდან აცილება მოხერხდა ძალიან მგრძნობიარე ცხოველებშიც კი.

არსი მდგომარეობს შემდეგში: ლაბორატორიაში აწარმოებენ დენტრიტულ უჯრედებს, რომლებიც იცავენ

იმუნურ სისტემას, ამიტომ ისინი იმ ქსოვილებშია, რომლებიც უშუალოდ გარესამყაროს ეხება- კანში, ცხვირის ღრუს, ფილტვების, კუჭის, ნაწლავების ამომფენ ეპითელიუმში. მიღებულ უჯრედებს ამუშავებენ ცილების, А ვიტამინთან დაკავშირებული და კუჭ-ნაწლავის ტრაქტში არსებული მჟავას უნიკალური ნარევით. ეს ყველაფერი უჯრედების შეცვლისა და მათი იმპლანტაციისთვის გამოყენების საშუალებას იძლევა. სხეულში მოხვედრისას, უჯრედები არსობრივად გარდაქმნიან იმუნიტეტს და ცვლიან ალერგენზე მის რეაქცას.